Apertura vakatura gezaghèber di entidat públiko Saba, Ministerio di Asuntunan Interno i Relashon den Reino

Sekretario di estado pa Asuntunan Interno i Relashonnan den Reino ta invitá personanan interesá pa solisitá pa e funshon di:

gezaghèber

di entidat públiko Saba (alrededor di 2.158 habitante)

E proseso di nombramentu

Ta nombra e gezaghèber pa medio di Dekreto Real riba proposishon di e Sekretario di estado di Rekuperashon Groningen, Relashonnan den Reino i Digitalisashon pa un periodo di seis aña. E Representante di Reino (suplente) pa entidatnan públiko Boneiru, Sint Eustatius i Saba ta responsabel pa e prosedura di reklutamentu i selekshon.

E Representante di Reino (suplente) a yega huntu ku konseho insular di entidat públiko Saba na un deskripshon di profil ku lo usa pa selektá kandidato.

Por konsultá e deskripshon di profil digitalmente riba www.rijksdienstcn.com/vacatures. Por pidi e deskripshon di profil tambe via e-mail serka sekretariado di e Representante di Reino (suplente) via e adrès di e-mail: gezaghebbersaba@rijksdienstcn.com.

Un ‘assessment’ por forma parti di e prosedura, i su intenshon ta pa suministrá e Representante di Reino (suplente) ku informashon komplementario ora di formulá su rekomendashon.

Promé ku hasi e proposishon, riba enkargo di ministerio di Asuntunan Interno i Relashonnan den Reino, lo ‘screen’ e kandidato proponé. E screening lo konsistí di buskamentu di referensia serka AIVD i un investigashon fiskal.

Asuntunan relashoná ku posishon hurídiko

E salario di e gezaghèber aktualmente ta suma USD 93.986¹ pa aña. Pa informashon adishonal al respekto i otro asuntu relashoná ku e posishon hurídiko di e gezaghèber, ta referí na e ‘Rechtspositiebesluit politieke gezagdragers BES’ (ku por konsultá ònlain).

Término di solisitut

Si bo ke bin na remarke pa e funshon, bo ta invitá pa hasi esaki konosí pa mas tardá, djadumingu 30 di novèmber. Bo mester dirigí bo solisitut na Su Mahestat Rei. Ta supliká bo pa manda un karta di solisitut firmá, ku bo cv i un pasfoto resien. Preferiblemente manda bo solisitut di forma digital pa gezaghebbersaba@rijksdienstcn.com. Si bo ta deseá di hasié, bo por manda e solisitut tambe pa medio di pòst registrá pa e Representante di Reino (suplente). Por hasi esei, menshonando komo indikashon “Na atenshon di Representante di Reino (suplente)” i “Konfidensial” riba e ènvelòp. E adrès ta pòstbùs 338, Boneiru, Hulanda Karibense. Bo ta risibí denter di kuater dia di trabou un konfirmashon por eskrito di tantu un solisitut via e-mail komo via pòst.

Prosesamentu di dato personal

Pa e selekshon ta prosesá datonan personal, inkluyendo datonan hudisial i un chekeo di referensia. Pa prosesamentu di datonan hudisial i e chekeo di referensia ta pidi solisitante pa firma un deklarashon di konsentimentu ku e ta risibí despues ku risibí su cv i karta di solisitut. Pa bin na remarke pa nombramentu akseso na datonan hudisial ta rekerí.

Prosesamentu ta tuma lugá konforme e prosedura den e Lei entidatnan públiko Boneiru, Sint Eustatius i Saba i regulashon basá riba esei. Ta warda e datonan konforme e términonan legal.

Kontakto

Den kaso ku eventualmente tin pregunta tokante e prosedura òf e funshon, bo por tuma kontakto telefónikamente ku sekretariado di Representante di Reino (suplente) via gezaghebbersaba@rijksdienstcn.com òf via +599 715 8304

---

1 Di akuerdo ku artíkulo 3 insiso 1 di e Rechtspositiebesluit politieke gezagdragers BES, sekretario di estado a disidí di pone saba den klase 3, te ku 29 di mart 2027. E espektativa ta ku e konseho insular di Saba na final di e término aki atrobe lo hasi petishon pa subi e kualifikashon pa klase 3. Si aseptá esaki e salario di e gezaghèber (tambe) lo kualifiká mas haltu na 93.986.